05 一月

Posted at 17:06h in 專題故事

畫功可以改變，技術可以提升，紋身工具，當然亦因應時代進步而先進不少。最傳統線圈機厚重紮實，不利於紋身過程，更會發出讓人聞聲喪膽的聲音。隨行業進步，慢慢研發出較以輕盈材質製成的摩打機，使紋身師更容易捉摸紋身感覺，令工作更穩定流暢。若果說「打邊爐最緊要係個爐」，紋身重責當然屬於紋身機，但怎樣為之「重要」呢？縱然舊式機器壞處不少，但Marcus依然希望，將紋身過程及成品保留原始味道。公仔佬的極致 「炸」滿身上每吋皮膚試過身兼數職為養「紋身師夢」，試過豬皮當人皮日紋夜紋，試過借朋友皮膚練紋身「炒晒車」，於行業打滾得幾年，Marcus悟出獨有的一套學習方式。唯獨臉部中央沒有被「炸」滿紋身的他，皮膚上每個紋身，原來都源自於學習：「請教紋身師，最直接又佩服嘅方法就係搵佢紋身，人哋都會捨得教多啲。搵到錢頭幾年，我就成日去搵我想搵嘅紋身師紋身學嘢，整到成身都係。」...

02 一月

Posted at 11:23h in 專題故事

一針一線 傳承舊代工藝與味道 「舊式香港紋身又有好多問題，例如啲線條化開、甩色，都係源於舊年代未有好嘅紋身工具，令紋身師做到好似現代咁好嘅質素。」早年，香港人普遍對紋身藝術及審美認知不足，紋身店亦只有寥寥數間，紋身師絕對能夠「我紋了算」，一筆掌控客人皮膚命脈。惟隨社會觀念越漸開放，資訊流通，加上外國新興紋身風格吹至本土，「外憂內患」就慢慢侵蝕本土傳統紋身風格及技術。 縱然舊代紋身業面對問題種種，Marcus都決定重新選擇跑道，專注於本土傳統紋身風格。慢慢認識到想法與畫功並存的老師傅，惟發覺，後代未必想繼承專業，前人又未有收學徒的概念，以致工藝傳承出現斷層。 自然，Marcus肩負起傳承的重任，經多番拜訪業界老前輩，蒐集舊紋身畫作，研究過往紋身歷史，憑藉老師傅的故事與經驗，發掘並拼湊傳統紋身的概念；靠提升自身專業認知與技術，留住獨一無二的工藝。 ...